عامر خان کا شاہ رخ اور سلمان کے ساتھ دشمنی کا اعتراف
ممبئی (شوبزڈیسک )عامر خان نے شاہ رخ خان اور سلمان خان کے ساتھ دشمنی کا اعتراف کرتے ہوئے کہا ہے کہ ہم میں سے ہر کوئی دوسرے دو کو پیچھے چھوڑنا چاہتا تھا۔۔۔
ایک یوٹیوب چینل پر انٹرویو کے دوران جب عامر خان سے پوچھا گیا کہ کیا ان کے اور شاہ رخ و سلمان کے درمیان کبھی مقابلہ رہا ہے ؟ تو انہوں نے سیدھا جواب دیا کہ بالکل تھا، یہ کیسا سوال ہے ؟ ہم میں سے ہر ایک چاہتا تھا کہ وہ دوسرے دو سے آگے نکل جائے ، ہماری لڑائیاں اور اختلافات میڈیا میں بھی رپورٹ ہو چکے ہیں، ایسا نہیں کہ میں کوئی نئی بات کر رہا ہوں، اب وہ مقابلہ ختم ہو چکا ہے ۔عامر خان نے وضاحت کی کہ اب ہم تینوں ویسے نہیں سوچتے جیسے پہلے سوچتے تھے ، وقت کے ساتھ ساتھ ہمارے درمیان ایک خاص قسم کی گرمجوشی اور دوستی پیدا ہو چکی ہے ، جو پہلے کبھی نہیں تھی، ہم اب ایک دوسرے کے ساتھ زیادہ کمفرٹیبل ہیں۔
روزنامہ دنیا ایپ انسٹال کریں
