شاہ رخ خان کے ڈان 3 سے آؤٹ ہونے کی وجہ سامنے آگئی
ممبئی (شوبزڈیسک ) فرحان اختر نے 2006 میں ڈان اور 2011 میں اس کے سیکوئل ڈان 2 کی کامیابی کے بعد ڈان 3 بنانے کا اعلان کیا تھااورمداحوں کو امید تھی کہ اس فلم میں مرکزی کردار ایک بار پھر شاہ رخ خان ہی ادا کرینگے اور اداکار نے بھی ایسا ہی عندیہ تھا۔
تاہم سکرپٹ پڑھنے کے بعد شاہ رخ خان اور فرحان اختر میں اس کی اینڈنگ پر اختلاف ہوگیا اور یہ اتنا بڑھا کہ ہدایت کار فرحان اختر نے شاہ رخ کا متبادل ڈھونڈ لیا۔ڈان 2 کے ولن نادر علی کا ایک پرانا ویڈیو وائرل ہو رہا ہے جس میں انہوں بتایا کہ شاہ رخ خان ایک سین کے مکالمے یاد کر کے نہیں آئے تھے ، پھرایک معاون کو سکرپٹ پکڑوایا گیا اور شاہ رخ نے دیکھ کر ڈائیلاگ بولے ۔ سین کے آخر میں بھی شاہ رخ خان نے ایک لائن اپنی طرف سے اضافہ کردی۔ جس پر فرحان اختر نے کہا کہ شاہ رخ یار ایک درخواست کر سکتا ہوں؟\' جو لائن تم نے بڑھائی وہ سکرپٹ میں نہیں ہے ۔ سکرپٹ کے مطابق دوبارہ سین نہ کرلیں۔ شاہ رخ نے برجستہ جواب دیا کہ ابے سالے ، ڈان تو بنا رہا ہے لیکن ڈان کون ہے ؟ شاہ رخ ہے نا؟ عوام شاہ رخ خان کو دیکھنا چاہتی ہے ۔ اس لیے پریشان نہ ہو۔یہ بات آئی گئی ہوگئی اور فلم ڈان 2 بھی کامیاب فلم رہی لیکن شاید ہدایتکار فرحان اختر نے یہ بات دل میں رکھ لی تھی اور ڈان 3 سے شاہ رخ کو آؤٹ کردیا۔
