خاندانی اور معاشرتی نظام بکھر رہا ہے :حرا ترین
لاہور(شوبز ڈیسک) ماڈل و اداکارہ حرا ترین نے اداکارہ حمیرا اصغر علی اور سینئر اداکارہ عائشہ خان کی تنہائی میں اموات کے تناظر میں معاشرتی اور خاندانی نظام کے بکھرتے ڈھانچے پر کھل کر بات کی ہے۔
حرا ترین نے انسٹاگرام پر کی گئی ایک پوسٹ میں لکھا کہ فیشن انڈسٹری میں بعض اوقات لوگ بہت ظالم ہوجاتے ہیں، لیکن آج کل جو کچھ ہو رہا ہے وہ دل توڑ دینے والا ہے ، معاشرہ اور خاندان کا ڈھانچہ ہماری آنکھوں کے سامنے بکھر رہا ہے اور یہ سننا کہ کوئی شخص اپنے گھر میں تنہا انتقال کر جائے اور کئی دن بعد پتا چلے ، یہ سب کچھ حد سے زیادہ پریشان کن ہے ۔حرا ترین نے لکھا کہ وہ صرف یہ یاددہانی کرا رہی ہیں کہ ہمارا معاشرہ کس خطرناک سمت میں جا رہا ہے ، جہاں لوگ ایک دوسرے سے کٹ کر تنہائی کا شکار ہو رہے ہیں۔
روزنامہ دنیا ایپ انسٹال کریں
