سیف کے بعد کرینہ پر بھی حملہ ہوا:سربراہ سکیورٹی ایجنسی
ممبئی (شوبزڈیسک )بالی وڈ اداکار سیف علی خان پر قاتلانہ حملے کے بعد ان کی اہلیہ و اداکارہ کرینہ کپور پر بھی حملے کا انکشاف ہوا ہے ۔
بالی وڈ اداکار اور سکیورٹی ایجنسی کے سربراہ رونت رائے نے ایک انٹرویو دیتے ہوئے انکشاف کیا کہ سیف علی خان کے ہسپتال سے ڈسچارج ہونے کے بعد اداکارہ کرینہ خود سے ہی ڈر گئی تھیں۔ جب سیف علی خان کو ہسپتال سے گھر لے جایا جا رہا تھا تو اس دوران عوام کا کافی رش اور میڈیا موجود تھا جبکہ اداکارہ دوسری گاڑی میں ہسپتال سے گھر جارہی تھیں کہ ان کی گاڑی پر معمولی حملہ ہوا جس کی وجہ سے کرینہ خوفزدہ ہوگئی تھیں۔رونت رائے نے وضاحت کرتے ہوئے مزید بتایا کہ چونکہ میڈیا اور عوام بہت قریب تھے ، جس وجہ سے ان کی گاڑی کو تھوڑا سا جھٹکا لگا، جس سے وہ ڈر گئیں اور فوراً گھر لے جانے کو کہا، جس پر میں انہیں گھر لے گیا جہاں پہلے ہی سکیورٹی اور پولیس کی بھاری نفری موجود تھی۔
