پٹرول 3، ڈیزل 3، لائٹ ڈیزل 5 ، مٹی کا تیل 5 ، روپے لٹر مہنگا
پٹرول103.69،ڈیزل108.44،مٹی کاتیل70.29،لائٹ ڈیزل کی نئی قیمت67.86روپے لٹرمقرر،31دسمبرتک اطلاق ہوگا
اسلام آباد(خبرنگارخصوصی،مانیٹرنگ ڈیسک ،دنیانیوز)پاکستان تحریک انصاف کی وفاقی حکومت نے ایک مرتبہ پھر عوام پر پٹرول بم چلا دیا، فی لٹر پٹرول کی قیمت میں 3 روپے کا اضافہ کیا گیا ہے ۔ تفصیلات کے مطابق پٹرولیم مصنوعات کی قیمتوں میں 5 روپے فی لٹر تک اضافہ کردیا گیا ہے ۔ وزارت خزانہ کی طرف سے جاری کردہ نوٹیفکیشن کے مطابق فی لٹر پٹرول کی قیمت میں 3 روپے کا اضافہ کیا گیا ہے جس کے بعد پٹرول کی فی لٹر قیمت 103 روپے 69 پیسے مقرر کی گئی ہے ، ہائی سپیڈ ڈیزل کی قیمت بھی 3 روپے اضافے کے بعد 108 روپے 44 پیسے فی لٹرہوگئی جبکہ فی لٹر مٹی کا تیل 5 روپے اضافے کے بعد 70 روپے 29 پیسے فی لٹر ہوگیا، لائٹ ڈیزل کی قیمت 5 روپے اضافے کے بعد 67 روپے 86 پیسے فی لٹر مقررکر دی گئی، نئی قیمتوں کا اطلاق 31 دسمبر تک ہوگا، عوام نے پٹرول کی قیمتوں میں اضافے کو مسترد کر دیا ہے اور کہا ہے کہ غریب پہلے ہی مہنگائی کی وجہ سے بہت پریشان ہے ، پٹرول مہنگا کرکے حکومت نے عوام کو مزید مشکل میں ڈال دیا ہے ۔
