خیبرپختونخوا: 4ماہ میں مختلف آپریشنز ،91دہشتگرد ہلاک
پشاور (این این آئی)خیبرپختونخوا میں رواں سال کے 4 ماہ کے دوران دہشت گرد وں کے خلاف ایک ہزار سے زائد آپریشنز میں 91 دہشت گرد ہلاک کئے گئے۔
جن میں 16 انتہائی مطلوب دہشت گرد بھی شامل تھے ۔محکمہ انسداد دہشت گردی کی 4 ماہ کی جاری کردہ رپورٹ کے مطابق خیبر پختونخوا میں دہشت گردی کے 189 واقعات ہوئے ، جن پر 10 حملے انسداد پولیو ٹیموں پر کئے گئے ۔رپورٹ کے مطابق صوبہ بھر میں ایک ہزار دو آپریشنز کئے گئے جن میں 16 انتہائی مطلوب دہشت گردوں سمیت 91 تخریب کار مارے گئے ۔ دہشت گردوں کے قبضے سے دو خود کش جیکٹس، چھتیس دستی بم اور 247 کلو گرام بارودی مواد برآمد ہوا ۔
روزنامہ دنیا ایپ انسٹال کریں
