میربالاج ٹیپو قتل کیس:زیر حراست ملزم احسن شاہ ساتھیوں کی فائرنگ سےہلاک:پولیس
لاہور (کرائم سیل)میر بالاج ٹیپو قتل کیس میں زیرحراست ملزم احسن شاہ ساتھیوں کی فائرنگ سے ہلاک ہوگیا،آرگنائزڈکرائم یونٹ اقبال ٹاؤن کی پولیس نے بتایا کہ ملزم کو برائے نشان دہی وگرفتاری ساتھی ملزموں علاقہ تھانہ شادباغ لے جارہی تھی۔
ملزم احسن شاہ کے بھائی علی رضا اور اس کے نامعلوم ساتھیوں نے چھڑانے کیلئے پولیس پارٹی پر اندھا دھند فائرنگ کردی۔ ملزم کے ساتھیوں کی فائرنگ سے ملزم احسن شاہ شدید زخمی ہو گیا جس کو ہسپتال منتقل کیا جا رہا تھا جو کہ راستے میں ہی دم توڑ گیا۔ یاد رہے کہ ہلاک ملزم چند ماہ قبل معروف بزنس مین میر بالاج ٹیپو کو فائرنگ کرکے قتل کرنے میں ملوث تھا ۔ ملزموں کی فائرنگ سے پولیس اہلکار معجزانہ طور پر محفوظ رہے ۔ ہلاک ہونے والے ملزم کے دیگر ساتھی اندھیرے کا فائدہ اٹھاتے ہوئے فرار ہوگئے جن کی گرفتاری کیلئے علاقہ میں سرچ آپریشن جاری ہے ۔
