رنگ روڈ ساندہ:بس نے شہریوں کو کچل ڈالا ،2 جاں بحق ، 6 زخمی
لاہور(کرائم رپورٹر)ساندہ کے علاقے میں تیز رفتار بس نے سڑک پر کھڑے مسافروں کو کچل دیا ،دو جاں بحق، 6زخمی ہوگئے ۔
ایدھی ترجمان کے مطابق ساندہ رنگ روڈ پر مسافر سڑک پر کھڑے تھے کہ تیز رفتار بس اچانک بے قابو ہوگئی اور مسافروں کو کچل دیا ،حادثے میں غلام حسین اور نامعلوم شخص جان کی بازی ہار گئے جبکہ 6 مسافرزخمی ہوگئے جنہیں فوری ہسپتال منتقل کردیا گیا، اطلاع پر پولیس نے کارروائی کرکے بس عملہ کے 3افراد کو حراست میں لے کر لاشیں مردہ خانے بھجوا دیں، پولیس کا کہنا ہے کہ حادثے کے فوری بعد ڈرائیور فرار ہو گیا ، اس کو جلد گرفتار کر لیا جائے گا۔
روزنامہ دنیا ایپ انسٹال کریں
