پی ٹی آئی کے حوالے سے امریکا میں بل پاس نہیں ہوگا:عقیل
اسلام آباد(دنیا نیوز)وزیرمملکت قانون وانصاف بیرسٹرعقیل ملک نے کہا ہے کہ ملک کے اندرونی معاملات میں کسی کومداخلت کی اجازت نہیں دی جاسکتی ۔دنیا نیوز کے پروگرام’’آن دی فرنٹ‘‘ میں گفتگو کرتے ہوئے بیرسٹرعقیل ملک کا کہنا تھا۔
کہ پی ٹی آئی کے گھناؤنے چہرے سے پردہ اٹھ چکا ہے ، پی ٹی آئی والے پہلے امریکا پرالزام پھرلابنگ کرتے رہے ، امریکا میں کوئی بل پاس نہیں ہوگا۔انہوں نے کہا کہ پاکستان کی خودمختاری پر کسی قسم کا کمپرؤمائز نہیں ہو گا، پہلے ابسیولٹلی ناٹ کا چورن بیچا گیا، بانی پی ٹی آئی یوٹرن کے ماہر ہیں۔وزیرمملکت قانون وانصاف کا کہنا تھا کہ پاکستان کے اندرونی معاملات میں کسی کومداخلت کی اجازت نہیں، پی ٹی آئی دورمیں اپوزیشن کوانتقام کا نشانہ بنایا۔انہوں نے مزید کہا کہ عمران خان خط لکھتے ہیں ہمیں حکومت میں واپس لاؤ جبکہ صدرڈونلڈ ٹرمپ نے دہشت گردی کے خلاف جنگ میں پاکستان کے کردارکوسراہا، دفترخارجہ کوڈی مارش کرنا چاہیے ۔
