بلوچستان میں عوام کی فلاح کے کام پر پروپیگنڈا ہو رہا،مصدق ملک
اسلام آباد(سٹاف رپورٹر، نیوز ایجنسیاں ) وفاقی وزیرموسمیاتی تبدیلی و ماحولیاتی رابطہ مصدق ملک نے کہا کہ پٹرولیم مصنوعات کی قیمتوں میں کمی کا فائدہ بلوچستان کے لوگوں کو دینے پر اعتراض سمجھ سے بالاتر ہے۔
بلوچستان کے عوام کی فلاح کے لیے کیے گئے کام پر پروپیگنڈا کیا جارہا ہے ۔صحافیوں سے گفتگو میں مصدق ملک نے کہا کہ بین الاقوامی ادارے کہہ رہے ہیں معیشت مستحکم ہوگئی ہے ، وزیراعظم نے ایک سال میں معیشت کو مستحکم کردیا ہے ۔ بلوچستان میں ایک خونی سڑک پر ہر سال 2 ہزار لوگ مرتے ہیں، کوئی حکومت اس سڑک کو پایہ تکمیل تک نہیں پہنچا سکی، سڑک بننے سے عوام کو فائدہ پہنچے گا۔
روزنامہ دنیا ایپ انسٹال کریں
