امریکا سے خیر کی توقع کرنا خود فریبی :حافظ نعیم الرحمن
لاہور( نیوز ایجنسیاں )امیر جماعت اسلامی حافظ نعیم الرحمن نے کہا ہے کہ امریکا سے کسی خیر کی توقع کرنا خود فریبی ہے ۔منصورہ میں میڈیا سے گفتگو کرتے ہوئے ان کا کہنا تھا۔
کہ امریکا عالم اسلام کا مشترکہ دشمن ہے ،کشمیر اورفلسطین میں مسلمانوں کا قتل عام امریکی سرپرستی میں ہورہا ہے ،عراق اور افغانستان میں مسلمانوں کا قتل عام کرنے کے بعد امریکا وہی کھیل ایران میں کھیلنا چاہتا ہے ۔انہوں نے کہا کہ مشترکہ دشمنوں کے خلاف عالم اسلام کو بھی مشترکہ حکمت عملی بنانا ہوگی،غزہ میں مسلمانوں کی نسل کشی کے خلاف امریکا نے قرار داد ویٹو کردی۔امیر جماعت اسلامی کا مزید کہنا تھا کہ حکومت اسلامی دنیا کاسربراہی اجلاس فوری اسلام آباد میں بلائے ، پاکستان کے عوام ایران کے ساتھ ہیں۔
روزنامہ دنیا ایپ انسٹال کریں
