ایبٹ آباد:14سالہ گھریلوملازمہ مالک کے تشدد سے جاں بحق
اسلام آباد(مانیٹرنگ ڈیسک)ایبٹ آباد میں گھر کے مالک کے مبینہ تشدد سے 14 سالہ گھریلو ملازمہ اقرا جاں بحق ہو گئی۔پولیس نے بتایا مبینہ طور پر اقرا کو زیادتی اور تشدد کا نشانہ بنا کر قتل کرنے والے ملزم حارث لطیف کو گرفتار کر لیا گیا۔
جاں بحق ہونے والی کم عمر لڑکی گزشتہ ایک برس سے ملزم کے گھر پر ملازمت کر رہی تھی۔پوسٹ مارٹم رپورٹ کے مطابق ملزم حارث لطیف 14 سالہ اقرا کو کافی عرصے زیادتی کا نشانہ بنا رہا تھا، تشدد کی بھی تصدیق ہوئی ہے ۔ ڈی ایم ایس ڈاکٹر راحیل کے مطابق مقتولہ کو اکثر بھوکا پیاسا رکھا جاتا تھا۔پولیس حکام کے مطابق لڑکی کا والد ہوٹل پر ملازمت کرتا ہے ، جسے پولیس کے ذریعے ہی اس کی بیٹی کے قتل کی خبر دی گئی۔ڈی ایس پی سراج خان کے مطابق گرفتار ملزم کو تھانے منتقل کر کے مزید تفتیش شروع کر دی گئی ہے ۔
روزنامہ دنیا ایپ انسٹال کریں
