بجلی کے بنیادی ٹیرف میں ایک روپے 14 پیسے یونٹ کمی
اسلام آباد(نامہ نگار) ملک بھر کے عوام کے لئے اچھی خبر ،بجلی صارفین کے لئے بنیادی ٹیرف میں اوسط ایک روپے 14 پیسے فی یونٹ کمی کردی گئی ۔نیپرا نے بجلی کے بنیادی ٹیرف میں کمی کی حکومتی درخواست منظور کرلی۔
نیپرا نے فیصلہ نوٹیفکیشن کے لیے وفاقی حکومت کو بھجوادیا ۔ پاور ڈویژن نے ملک بھر میں یکساں ٹیرف کے لیے درخواست نیپرا میں دائر کی تھی ۔ اس حوالے سے نیپرا نے پاور ڈویژن کی درخواست پر گزشتہ روز سماعت کی تھی۔ بجلی کے بنیادی ٹیرف میں زیادہ سے زیادہ ایک روپے 16پیسے فی یونٹ تک کمی ہوگی ۔نیپرا نے یکم جولائی 2025 سے بنیادی ٹیرف میں کمی کی حکومتی درخواست کی منظوری دی۔ ماہانہ51سے 100 یونٹ تک لائف لائن صارفین کے لیے ٹیرف7.74 روپے فی یونٹ برقراررہے گا۔ ماہانہ50یونٹ تک کے گھریلولائف لائن صارفین کے لیے 3.95 روپے فی یونٹ کا ٹیرف برقرار رہے گا۔ اسی طرح گھریلوصارفین کے لیے بجلی کازیادہ سے زیادہ ٹیرف48.84 سے کم ہوکر47.69 روپے ہوجائے گا۔ایک سے 100یونٹ تک پروٹیکٹڈ گھریلوصارفین کاٹیرف1.15روپے کمی سے 10.54روپے ہوجائے گا۔ایک سوایک سے 200 یونٹ تک پروٹیکٹڈ صارفین کا ٹیرف 1.15 کمی سے 13.01 روپے ہوجائے گا۔ایک سے 100 یونٹ تک نان پروٹیکٹڈ گھریلوصارفین کا ٹیرف 1.15کمی سے 22.44روپے ہوجائے گاماہانہ101سے 200 یونٹ تک کا ٹیرف1.16روپے کمی سے 28.91 روپے ہوجائے گا۔ ماہانہ201سے 300یونٹ کا ٹیرف 1.16روپے کمی سے 33.10 روپے ہوجائے گاماہانہ301 سے 400 یونٹ کا ٹیرف 1.16روپے کمی سے 37.99روپے ہوجائے گاماہانہ401 سے 500یونٹ کا ٹیرف 1.14روپے کمی سے 40.22روپے ہوجائے گاماہانہ501سے 600 یونٹ کا ٹیرف 1.16روپے کمی سے 41.62روپے ہوجائے گا۔ماہانہ601 سے 700 یونٹ کا ٹیرف1.16 روپے کمی سے 42.76 روپے ہوجائے گا۔ماہانہ700 یونٹ سے زیادہ کا ٹیرف 1.15 روپے کمی سے 47.69 روپے ہوجائے گا۔ٹیکسوں کوملاکرسلیب کے حساب سے فی یونٹ ٹیرف کی قیمت بڑھ جائے گی۔
