اسلام آباد،پشاور،سندھ،بلوچستان ہائیکورٹس کے مستقل چیف جسٹسز کی تقرری کا نوٹیفکیشن جاری
اسلام آباد(کورٹ رپورٹر)وزارت قانون نے چاروں ہائی کورٹس میں مستقل چیف جسٹسز کی تقرری کا نوٹی فکیشن جاری کردیا۔
وزارت قانون و انصاف نے صدر مملکت کی منظوری کے بعد چاروں ہائی کورٹس میں مستقل چیف جسٹسز کی تقرری کا نوٹی فکیشن جاری کیا، جس کے مطابق جسٹس عتیق شاہ پشاور ہائیکورٹ کے مستقل چیف جسٹس ہوں گے ، جسٹس روزی خان کو چیف جسٹس بلوچستان ہائی کورٹ تعینات کیا گیا ہے ، جسٹس محمد جنید غفار کا بطور چیف جسٹس سندھ ہائی کورٹ نوٹیفکیشن جاری ہوا ہے ۔اسی طرح جسٹس سردار سرفراز ڈوگر کا بطور چیف جسٹس اسلام آباد ہائی کورٹ نوٹی فکیشن جاری کردیا گیاہے۔
روزنامہ دنیا ایپ انسٹال کریں
