ہفتہ وار مہنگائی میں اضافہ 22اشیا کی قیمتوں میں اضافہ
اسلام آباد( مانیٹرنگ ڈیسک)پٹرولیم مصنوعات کی قیمتوں میں اضافے کے اثرات سامنے آنے لگے ۔نئے مالی سال کے تیسرے ہفتے میں بھی مہنگائی میں اضافہ جاری رہا اور ہفتہ وار بنیاد پر مہنگائی کی شرح 0.38 فیصدبڑھنے کے بعد مجموعی سالانہ شرح منفی 1.61 فیصد پر آگئی ۔
وفاقی ادارہ شماریات کی رپورٹ کے مطابق ایک ہفتے میں 22 اشیائے ضروریہ کی قیمتوں میں اضافہ ہوا، 9 اشیا سستی اور 20 اشیا کی قیمتوں میں استحکام رہا۔رپورٹ کے مطابق حالیہ ہفتے ڈیزل 4.15 اور پٹرول کی قیمت 2 فیصد بڑھ گئی، ایک ہفتے میں چکن 8.31 اور انڈے 5.87 فیصد مہنگے ہوئے ۔اسی طرح پیاز 1.76 اور آلو کی قیمت میں 1.46 فیصد کا اضافہ ہوا۔ادارہ شماریات کی رپورٹ میں بتایا گیا کہ گزشتہ ایک ہفتے میں لہسن کی قیمت میں 1.70 فیصد کا اضافہ ہوا جبکہ ٹماٹر، آٹا، کوکنگ آئل، چینی اور ایل پی جی کی قیمتوں میں کمی ہوئی۔
روزنامہ دنیا ایپ انسٹال کریں
