لوگوں کو تھوڑ ا آرام کرنے دیں رات تو سکون سے گزارلیں:پشاور ہائیکورٹ:سواتی کی حفاظتی ضمانت منظور
پشاور: (دنیا نیوز) پشاور ہائیکورٹ نے پی ٹی آئی رہنما اعظم سواتی کی حفاظتی ضمانت منظور کرتے ہوئے کسی بھی درج مقدمات میں گرفتاری سے روک دیا۔
جسٹس صاحبزادہ اسد اللہ اور جسٹس فرح جمشید نے اعظم سواتی کی مقدمات تفصیلات سے متعلق درخواست پر سماعت کی۔اسسٹنٹ اٹارنی جنرل نے کہا کہ اعظم سواتی کے خلاف راولپنڈی میں تین مقدمات درج ہیں، ہم تفصیلات دیتے ہیں یہ وہاں پیش نہیں ہوتے ۔ جسٹس صاحبزادہ اسد اللہ نے ریمارکس دیئے کہ اپنے لوگوں کو اتنا تھکاتے ہو کہ وہ سب کچھ بھول جاتے ہیں، لوگوں کوتھوڑا آرام کرنے دیں کہ ایک رات تو سکون سے گزار لیں ، درخواست گزار کے خلاف وفاق میں کتنے مقدمات درج ہیں، ن کی تفصیلات دیں۔بعدازاں عدالت نے اعظم سواتی کی 9 ستمبر تک حفاظتی ضمانت منظور کرتے ہوئے انہیں کسی بھی درج مقدمات میں گرفتار نہ کرنے کا حکم دیدیا۔
روزنامہ دنیا ایپ انسٹال کریں
