اسلام آبادغیر قانونی مقیم افغانوں کیخلاف کریک ڈاؤن کا حکم
غیر قانونی مقیم افراد کے جرائم میں ملوث ہونے کے ٹھوس شواہد ملے ہیں:پولیس
اسلام آباد (خصوصی رپورٹر)اسلام آباد میں غیرقانونی مقیم افغان باشندوں کے خلاف فوری کریک ڈائون کاحکم دیدیاگیا،ڈی آئی جی اسلام آباد جواد طارق کی زیر صدارت اہم اجلاس ہوا، اجلاس میں ایس ایس پی آپریشنز قاضی علی رضا سمیت تمام ایس ایچ اوز نے شرکت کی،ڈی آئی جی اسلام آباد نے شہر کی سکیورٹی اور عوام کے تحفظ کیلئے سخت احکامات جاری کئے ،جبکہ غیر قانونی مقیم افغانیوں کے خلاف فوری کارروائی کا حکم بھی دیا،انہوں نے کہا غیر قانونی مقیم افراد کے جرائم میں ملوث ہونے کے ٹھوس شواہد ملے ہیں، قبضہ مافیا، غیر قانونی اسلحہ اور منشیات فروشوں کے خلاف زیرو ٹالرنس پالیسی ہے ،ایسے عناصر کے خلاف سخت سے سخت قانونی کارروائی عمل میں لائیں۔ڈی آئی جی نے کہا کہ سنگین جرائم میں ملوث متحرک گینگز کے خلاف کریک ڈاؤن کیا جائے ، کار و موٹر سائیکل چوری میں ملوث گروہوں کے خلاف موثر کارروائیاں کی جائیں، شہر میں گشت اور چیکنگ کو بامقصد بنایا جائے ، شہریوں کے مسائل ترجیحی بنیادوں پر حل کیے جائیں۔
