ضابطہ اخلاق خلاف ورزی کیس، وزیراعلیٰ پختونخوا کا جواب جمع
دستخط نہ ہونے پر کیس ناقابل سماعت ہونے کی درخواست دوبارہ جمع کرانیکی ہدایت آئندہ سماعت سے قبل پاور آف اٹارنی بھی جمع کرائی جائے :چیف الیکشن کمشنر کا حکم
پشاور (دنیا نیوز)الیکشن کمیشن میں وزیراعلیٰ خیبرپختونخوا سہیل آفریدی اور شہرناز عمر ایوب کے خلاف ضابطہ اخلاق کی خلاف ورزی کے کیس کی سماعت 13 جنوری تک ملتوی کر دی گئی۔ چیف الیکشن کمشنر سکندر سلطان راجہ کی سربراہی میں 5 رکنی بینچ نے سماعت کی۔ سہیل آفریدی کے وکیل علی بخاری نے تحریری جواب جمع کراتے ہوئے کیس ناقابل سماعت ہونے کی درخواست پیش کی تاہم الیکشن کمیشن کے حکام نے انہیں بتایا کہ درخواست پر وزیراعلیٰ کے دستخط موجود نہیں، درخواست دوبارہ جمع کرائیں۔ چیف الیکشن کمشنر نے حکم دیا کہ آئندہ سماعت سے قبل پاور آف اٹارنی بھی جمع کرائی جائے ۔
روزنامہ دنیا ایپ انسٹال کریں
