×

پاکستان

موٹروے پردھواں ہی دھواں، چیئرپرسن ای پی اے برہم

بند کریں

صرف 50،50گاڑیاں چیک کرکے آلودگی کا اندازہ لگایا گیا ،ہم کس دنیا میں رہ رہے قائمہ کمیٹی موسمیاتی تبدیلی کی پی ای ایم پی ایکٹ، 1997کو اپ ڈیٹ کرنیکی ہدایت

اسلام آباد (سہیل خان)قائمہ کمیٹی برائے موسمیاتی تبدیلی کے اجلاس میں چیئرپرسن منزہ حسن انوائرمنٹ پروٹیکشن ایجنسی نے ناقص کارکردگی پر برہمی کا اظہار کیا اور کہا کہ صرف 50،50گاڑیاں چیک کرکے آلودگی کا اندازہ لگایا گیا ،ہم کس دنیا میں رہ رہے ہیں،دنیا کمیشن سے ٹیسٹ پیسے کماتی ہے ،کیا آپ نے موٹر وے پر کبھی دیکھا ہے دھواں ہی دھواں ہوتا ہے ۔موٹر وے کے اطراف آگ جل رہی ہوتی ہے اس سے بھی ائیر کوالٹی خراب ہو رہی ہے ۔ای پی اے حکام نے بتایا کہ اسلامک قائد اعظم یونیورسٹی کی بسز یہ آلودگی کی وجہ بن رہی ہیں ،ہم سی ڈی اے کے ساتھ مل کر یونیورسٹی کی بسز اور شہریوں کیلئے ای وی بسز لانے کے منصوبے پر کام کر رہے ہیں ۔قائمہ کمیٹی موسمیاتی تبدیلی نے پاکستان انوائرمینٹل پروٹیکشن ایکٹ، 1997 کو اپ ڈیٹ کرنے کی ہدایت کی ۔پاکستان کے ماحولیاتی تحفظ کے ادارے نے کمیٹی کو مطلع کیا کہ سالانہ قومی ماحولیاتی رپورٹ، جو آخری بار 2016 میں شائع ہوئی تھی، ایس ڈی پی آئی کے تعاون سے تیار کی جا رہی ہے اور 15 دسمبر 2026 تک شائع کی جائے گی۔ کمیٹی نے اسلام آباد ٹیری میں موٹر گاڑیوں کے اخراج کی جانچ کے لیے باقاعدہ طریقہ کار کی سفارش کی۔

روزنامہ دنیا ایپ انسٹال کریں