نیشنل چیلنج فٹبال کپ‘آرمی، ایچ ای سی نیوی‘ کے آر ایل کی کوارٹر فائنل میں رسائی
اسلام آباد (اے پی پی)نیشنل چیلنج فٹبال کپ میں گروپ اے سے پاکستان آرمی ، ایچ ای سی اور کے آر ایل اور گروپ بی سے پاک بحریہ نے کوارٹر فائنل میں جگہ بنالی ہے ۔
نیشنل چیلنج کپ میں گزشتہ روز پہلے میچ میں پاک فوج نے انیس کے دو اور حسن کے ایک گول کی بدولت نمسو کو 3-0سے شکست دی ۔ دوسرے میچ میں پاک بحریہ نے ایس اے فارمز کو3-0سے ہرادیا،نعمان، فرحان اﷲ اور نوید نے ایک ایک گول کیا۔ تیسرے میچ میں ایچ ای سی نے پی اے سی اے کو1-0سے مات دی ،میچ کا واحد گول حلیم نے کیا۔ چوتھے میچ میں کے آر ایل نے ماشا یونائیٹڈ کو4-0سے شکست دی،شاہ زیب، نجیب اﷲ، وحید اور علی آغا نے ایک ایک گول کیا۔