ناقص کارکردگی ،انجیلو میتھیوزنے قوم سے معافی مانگ لی
نیویارک (اسپورٹس ڈیسک )ٹی ٹونٹی ورلڈ کپ 2024 سے باہر ہونے پر سری لنکا کے سینئر کھلاڑی انجیلو میتھیوز نے سری لنکن قوم سے معافی مانگ لی۔
انجیلو میتھیوز نے سری لنکا کے آئی سی سی ورلڈکپ کے سپر ایٹ راؤنڈ کے لئے کوالیفائی کرنے میں ناکام ہونے پر افسوس کا اظہار کرتے ہوئے کہا کہ ٹیم نے ’’قوم کو مایوس کیا‘‘اور انصاف نہیں کیا،اسکواڈ کے سب سے تجربہ کار کھلاڑی نے اپنی ٹیم کی جانب سے سری لنکن قوم سے معذرت کر لی۔واضح رہے کہ سینٹ ونسنٹ میں بنگلہ دیش کی نیدرلینڈز کے خلاف فتح کے بعد سری لنکا باضابطہ طور پر سپرایٹ کی دوڑ سے باہر ہو گیا تھا۔سری لنکا کو نیویارک میں جنوبی افریقہ ا اور بعد میں ڈیلاس میں بنگلہ دیش کے ہاتھوں شکست کا سامنا کرنا پڑا تھا۔اگلے راؤنڈ میں آگے بڑھنے کے لئے امکانات اس وقت ختم ہو گئے جب نیپال کے خلاف ٹورنامنٹ کا ان کا تیسرا میچ بارش کی وجہ سے منسوخ کر دیا گیا۔سری لنکا کی سخت مہم کے بارے میں پوچھے جانے پر میتھیوز نے ٹیم کی کارکردگی پر مایوسی کا اظہار کیا اور فارمیٹ کی غیرمتوقع نوعیت پر بھی تبصرہ کیا کہ جہاں کوئی بھی ٹیم کسی کو بھی ہرا سکتی ہے ۔سری لنکا ٹورنامنٹ کا آخری میچ نیدرلینڈ کے خلاف کھیلے گی جو کہ ایک رسمی میچ کی حیثیت رکھتا ہے ۔
