مشتاق احمد کی بیٹی رشتہ ازدواج میں منسلک ، تصاویر وائرل
![مشتاق احمد کی بیٹی رشتہ ازدواج میں منسلک ، تصاویر وائرل](https://dunya.com.pk/news/2024/September/09-06-24/news_big_images/2402716_53531718.jpg)
لاہور(سپورٹس ڈیسک )بنگلادیش کی تاریخی فتح میں اہم کردار ادا کرنیوالے سابق سپنر مشتاق احمد کی بیٹی رشتہ ازدواج میں منسلک ہوگئیں۔
فوٹو اینڈ ویڈیو شیئرنگ ایپ انسٹاگرام پر قومی ٹیم کے سابق کرکٹر مشتاق احمد کی بیٹی کے نکاح کی دلکش تصاویر اور ویڈیو سوشل میڈیا کی زینت بنی ہوئی ہیں۔مشتاق احمد کی بیٹی حبیبہ کے نکاح کی تقریب انتہائی نجی نوعیت کی تھی جس میں قریبی رشتے دار اور چند دوستوں سمیت کرکٹرز نے شرکت کی۔مشتاق احمد کی بیٹی کی شادی کی تصاویر فوٹوگرافر کی جانب سے شیئر کی گئی ہیں جس پر متعدد سوشل میڈیا صارفین نے تبصرے کرتے ہوئے جوڑے سمیت والدین کو بیٹی کے نکاح کی مبارکباد دی۔حبیبہ مشتاق کی شادی کی تقریب انتہائی سادہ مگر پر وقار تھی جس میں وقار یونس بھی اپنی فیملی کے ہمراہ شریک ہوئے جس کی تصویر بھی سامنے آئی۔