میچ کا نتیجہ اپنے حق میں کرنے کی بڑی کوشش کی: حارث رؤف
میلبرن(سپورٹس ڈیسک ) قومی کرکٹ ٹیم کے فاسٹ بولر حارث روف نے کہا ہے کہ ہم نے میچ کا نتیجہ اپنے حق میں کرنے کی بڑی کوشش کی، پوری جان لڑائی۔
آسٹریلیا سے شکست کے بعد پریس کانفرنس میں انہوں نے کہا کہ ہم نے بڑی کوشش کی نتیجہ ہمارے حق میں نہیں آیا۔ لو سکورنگ میچ تھا ہم نے وکٹیں لینے کی کوشش کی تاکہ جیت جاتے ، ہم نے میچ میں پوری جان لڑائی ہے ۔ ہم نے وکٹیں لیں سب نے بہت کوشش کی ہم ٹارگٹ کا دفاع کر سکتے تھے ، میرے پاس چانس تھا کہ میں ہیٹ ٹرک کرتا لیکن بدقسمتی سے نہیں کر سکا۔ مجھے ایم سی جی بہت پسند ہے ، میں نے یہاں ہیٹ ٹریک کی ہوئی ہے ۔ میچ میں ہم سے غلطیاں ہوئی ہیں، ہم نے ایکسٹرا رنز د یئے ، کوشش ہو گی کہ آئندہ میچز میں غلطیاں نہ ہوں۔ اگر بیٹنگ میں 20، 30 رنز کم بنے ہوں تو بولنگ میں آپ قابو پا سکتے ہیں، میں نے 100 فیصد محنت کی ہے اور وکٹیں بھی لیں، ٹیم کو اس کی ضرورت بھی تھی۔
