پیرو میں میچ کے دوران بجلی گرنے سے فٹبالر ہلاک ہوگیا
لاہور(سپورٹس ڈیسک)لاطینی امریکا کے ملک پیرو میں میچ کے دوران بجلی گرنے سے ایک فٹبالر ہلاک اور 5 زخمی ہوگئے ۔
غیر ملکی میڈیا کے مطابق پیرو میں مقامی ٹیموں کے درمیان فٹبال میچ جاری تھا کہ تیزا ہوا اور طوفان کے باعث میچ روک دیا گیا۔ میچ رکنے پر کھلاڑی گراؤنڈ سے باہر آرہے تھے کہ اسی دوران آسمانی بجلی گرگئی۔آسمانی بجلی گرنے کے نتیجے میں ایک 39 سالہ فٹبالر ہلاک ہوگیا جب کہ 5فٹبالر زخمی ہوئے جنہیں ہسپتال منتقل کردیا گیا۔ ہسپتال میں داخل ایک زخمی کی حالت تشویشناک بتائی گئی ہے ۔
روزنامہ دنیا ایپ انسٹال کریں
