آسٹریلیا ، بھارت ٹیسٹ سیریز کے پوسٹر نے سوشل میڈیا پر نئی بحث چھیڑ دی
میلبرن (سپورٹس ڈیسک )بھارت اور آسٹریلیا کے درمیان پانچ میچزپر مشتمل بارڈر گواسکر ٹرافی تو 22 نومبر سے شروع ہونے جا رہی ہیں لیکن ٹیسٹ سیریز سے پہلے ہی اس ٹرافی کے ایک پوسٹر نے نئی بحث چھیڑ دی۔
سیریز کے آفیشل براڈ کاسٹر( مقامی میڈیا) کی جانب سے سیریز کا پوسٹر جاری ہوا جس میں ایک طرف تو آسٹریلوی کپتان پیٹ کمنز موجود ہیں تو دوسری جانب ویرات کوہلی کی تصویر آویزاں ہے ۔سوشل میڈیا سائٹ ایکس پر سیریز کے پوسٹر کو تنقید کا نشانہ بناتے ہوئے ایک بھارتی فین نے لکھا کہ ' اب بھی یقین نہیں آرہا کہ روہت شرما پوسٹر سے غائب ہیں، وہ ہمارے کپتان ہیں لیکن کرکٹ کے سب سے بڑے برانڈ کی وجہ سے کوہلی کو یہاں جگہ مل گئی۔
'۔ایک اور صارف نے لکھا کہ سیریز کے آفیشل پوسٹر پر کپتان روہت شرما کی تصویر ہی نہیں لگائی۔
روزنامہ دنیا ایپ انسٹال کریں
