پاکستانی سپنر نعمان علی کو پلیئر آف دی منتھ قرار دیاگیا
دبئی (سپورٹس ڈیسک )انگلینڈ کیخلاف ٹیسٹ سیریز میں سپن بالنگ سے بیٹرز کو تگنی کا ناچ نچانے والے نعمان علی کو آئی سی سی پلیئر آف دی منتھ قرار دیدیا گیا۔
ملتان اور راولپنڈی ٹیسٹ میچز میں انگلینڈ کے خلاف 20 وکٹیں لینے والے سپنر نعمان علی کو پلئیر آف دی منتھ کے حقدار ٹھہرے ۔قبل ازیں آئی سی سی نے پاکستان کے نعمان علی، نیوزی لینڈ کے میچل سینیٹنر اور جنوبی افریقا کے کگیسو ربادا کو اکتوبر 2024 کے آئی سی سی پلیئر آف دی منتھ کیلئے نامزد کیا تھا۔نعمان علی نے پلیئر آف منتھ کا ایواڈ پانے پر فخر اظہار کرتے ہوئے کہا کہ ایسے ایوارڈ سے حوصلہ افزائی اور مزید اچھی پرفارمنس کا جذبہ پیدا ہوتا ہے ، انگلینڈ کیخلاف ٹیسٹ سیریز میں کامیابی کے لمحات ہمیشہ یاد رہیں گے ۔دوسری جانب آئی سی سی پلیئر آف دی منتھ کا ویمنز ایوارڈ نیوزی لینڈ کی ل راؤنڈر ایملا کیر کو دیا گیا ہے ۔
