پی ایچ ایف نے تین رکنی نئی قومی سلیکشن کمیٹی تشکیل دیدی
لاہور(سپورٹس ڈیسک )پاکستان ہاکی فیڈریشن نے تین رکنی نئی قومی سلیکشن کمیٹی تشکیل دے دی۔پی ایچ ایف کے جنرل سیکرٹری رانا مجاہد علی نے لاہور میں پریس کانفرنس کرتے ہوئے۔۔
رانا مجاہد نے کہا کہ سلیکشن کمیٹی میں دانش کلیم، کاشف جواد اور ایم خالد شامل ہوں گے ،کمیٹی ٹیم مینجمنٹ سے مشاورت کرکے جونیئر ایشیا کپ کے لئے ٹیم کا انتخاب کرے گی۔ ڈویلپمنٹ سکواڈ کا دورہ چین ویزہ مسائل کی وجہ سے تاخیرہ کا شکار ہوا ہے ۔پاکستان میں جلد انٹرنیشنل ہاکی کی سرگرمیاں بحال ہوں گی۔ فیڈریشن کے پاس فنڈز ہوں تو سب سے پہلے کھلاڑیوں کے واجبات ادا کریں گے ۔
مستقبل میں پاکستان اور بھارت کی ہاکی ٹیمیں ایک دوسرے ملک کا دورہ کریں گی۔ مگر حتمی فیصلہ حکومت کرے گی۔
روزنامہ دنیا ایپ انسٹال کریں
