چیف آف دی ایئر سٹاف سکواش ،آج کوارٹر فائنلز
اسلام آباد(سپورٹس رپورٹر)چیف آف دی ایئر سٹاف بین الاقوامی سکواش چیمپئن شپ میں مصر کے ابراہیم الکبانی،سیف الشیناوی ،ملائشیا کے ڈیرن پراگسم،نیدر لینڈ کیروون ڈیمننگ،انگلینڈ کے پیری ملک ، پاکستان کے ناصر اقبال،ایم اصحاب عرفان اورنور زمان نے اپنے اپنے میچز میں کامیابی حاصل کرکے کوارٹر فائنل میں جگہ بنا لی۔
پاکستان سکواش فیڈریشن کے زیر اہتمام اور سرینا ہوٹلز کے تعاون سے مصحف سکواش کمپلیکس، اسلام آباد میں جاری 15ہزارمریکی ڈالر کی انعامی رقم کے حامل اس ٹورنامنٹ میں 9 پاکستانی کھلاڑیوں کے علاوہ مصر، انگلینڈ، ہانگ کانگ، چین، آئرلینڈ، کویت، ملائیشیا اور ہالینڈ کے 15 عالمی رینکنگ کھلاڑیوں کا گروپ حصہ لے رہا ہے ۔ مصر سے تعلق رکھنے والے عالمی نمبر 62 ابراہیم الکبانی کو نمبر 1 اور پاکستان کے عالمی نمبر 82 نور زمان کو سیڈ نمبر 2 کے طور پر سیڈ کیا گیا ہے ۔ کوارٹر فائنلزآج دوپہر بارہ بجے کھیلے جائیں گے ۔
