ٹی ٹونٹی رینکنگ،بابر اعظم اور محمد رضوان کی تنزلی
دبئی(سپورٹس ڈیسک)انٹرنیشنل کرکٹ کونسل نے ٹی ٹونٹی کرکٹرز کی نئی رینکنگ جاری کردی۔آئی سی سی کی جانب سے جاری ٹی ٹونٹی بیٹرز کی نئی رینکنگ میں آسٹریلیا کے ٹریوس ہیڈکا پہلا نمبربرقرار ہے ۔۔
انگلینڈ کے فل سالٹ دوسرے نمبر پر ہیں۔بھارت کے تلک ورما نے اونچی چھلانگ لگائی اور وہ 69 درجے ترقی کے بعد تیسرے نمبر پرپہنچ گئے ہیں۔ فہرست میں بھارت کے سوریا کمار یادیو ایک درجے تنزلی کے بعد چوتھے ، بابراعظم ایک درجے تنزلی کے بعد پانچویں اور محمد رضوان ایک درجے تنزلی کے بعد چھٹے نمبر پر چلے گئے ہیں۔ٹی ٹونٹی بالرزکی رینکنگ میں انگلینڈ کے عادل رشید کا پہلا نمبر ہے ، اس فہرست میں سری لنکا کے وینندو ہسارنگا دوسرے اور آسٹریلیا کے ایڈم زمپا5 درجے ترقی کے بعد تیسرے نمبر پرآگئے ہیں۔ٹاپ ٹونٹی بالرز کی فہرست میں حارث رؤف 4 درجے ترقی کے بعد 20 ویں نمبرپر آگئے ہیں۔
روزنامہ دنیا ایپ انسٹال کریں
