قائداعظم ٹرافی:امام الحق ، بسم اللہ ،اویس کی سنچریاں
راولپنڈی(سپورٹس رپورٹر)قائداعظم ٹرافی کرکٹ ٹورنامنٹ کے پانچویں راؤنڈ کے میچوں کے دوسرے دن کی خاص بات ملتان کے امام الحق ،کوئٹہ کے بسم اللہ خان اور فیصل آباد کے اویس ظفر کی سنچریاں تھیں ۔
بالنگ میں محمد عباس، مشتاق کلہوڑو ، آفاق آفریدی اور عمران رندھاوا چھ ،چھ وکٹیں حاصل کرکے نمایاں رہے ۔مرغزار کرکٹ گراؤنڈ اسلام آباد میں لاہور وائٹس کی ٹیم لاڑکانہ کے 202رنز کے جواب میں اپنی پہلی اننگز میں338رنز بناکر آؤٹ ہوگئی۔ لاڑکانہ نے دوسری اننگز میں 4 وکٹوں پر 129 رنز بنائے تھے ۔ نیشنل گراؤنڈ اسلام آباد میں اسلام آباد کی ٹیم فیصل آباد کے 202 رنز کے جواب میں اپنی پہلی اننگز میں 153 رنز بناکر آؤٹ ہوگئی۔ فیصل آباد نے دوسری اننگز میں 2 وکٹوں پر 238 رنز بنائے تھے ۔ میرپور سٹیڈیم میرپور میں سیالکوٹ نے کراچی بلوز کے 171 رنز کے جواب میں اپنی پہلی اننگز میں 7 وکٹوں پر 291 رنز بنائے تھے ۔ ایبٹ آباد سٹیڈیم ایبٹ آباد میں کراچی وائٹس کی ٹیم بہاولپور کے 248 رنز کے جواب میں اپنی پہلی اننگز میں 214 رنز بناکر آؤٹ ہوگئی۔ بہاولپور نے دوسری اننگز میں بغیر کسی نقصان کے 6رنز بنائے تھے ۔اشفاق کرکٹ گراؤنڈ چارسدہ میں ملتان نے آزاد جموں کشمیر کے 188 رنز کے جواب میں اپنی پہلی اننگز 6 وکٹوں پر 468 رنز بناکر ڈکلیئر کردی۔ آزاد جموں کشمیر نے اپنی دوسری اننگز میں بغیر کسی نقصان کے 18 رنز بنائے تھے ۔
