پاکستان شاہینز اور سری لنکا اے کا دوسرا چار روزہ میچ ڈرا
راولپنڈی (سپورٹس رپورٹر ) پاکستان شاہینز اور سری لنکا اے کے درمیان دوسرا چار روزہ میچ ڈرا ہوگیا اسطرح پاکستان شاہینز نے دو میچوں کی سیریز ایک صفر سے جیت لی ۔
اس نے پہلا چار روزہ میچ سات وکٹوں سے جیتا تھا۔ آخری دن کھیل کی خاص بات سونال دنوشا اور پون رتنائیکے کی سنچریاں تھیں۔جمعرات کو چار روزہ میچ کے آخری دن پاکستان شاہینز کو جیستنے کے لیے 284 رنز کا ہدف ملا تھا کھیل کے اختتام پر اس نے 3 وکٹوں پر 156 رنز بنائے تھے ۔ اس سے قبل سری لنکا اے نے اپنی دوسری اننگز260 رنز 4 کھلاڑی آٹ پر ڈئکلیئر کردی تھی۔پاکستان شاہینز کی دوسری اننگز میں محمد سلیمان 66 رنز ناٹ آؤ ٹ کے ساتھ ٹاپ سکورر رہے ۔ حیدرعلی نے 43 رنز بنائے اور آؤ ٹ نہیں ہوئے ۔ علی زریاب31 کپتان محمد ہریرہ 9 اور عبدالفصیح صفر پر آٹ ہوئے ۔ سری لنکا اے نے اپنی دوسری اننگز 157 رنز 4 کھلاڑی آؤ ٹ پر شروع کی ۔ سونال دنوشا اور پون رتنائیکے نے اپنی عمدہ بیٹنگ جاری رکھتے ہوئے سنچریاں بناڈالیں۔ دنوشا نے 116 رنز ناٹ آؤٹ کی اننگز کھیلی ۔ انہوں نے پہلی اننگز میں بھی 85 رنز بنائے تھے اور ناٹ آؤ ٹ رہے تھے ۔رتنائیکے نے 8 چوکوں کی مدد سے 100 رنز اسکور کییاور وہ آٹ نہیں ہوئے ۔ ان دونوں نے پانچویں وکٹ کی ناقابل شکست شراکت میں 214 رنز کا اضافہ کیا۔پاکستان شاہینز کے بولرز میں احمد بشیر نے 65 رنز دے کر 2 کھلاڑی آٹ کیے ۔ دونوں ٹیموں کے درمیان راولپنڈی میں تین ون ڈے میچز25 ۔27 اور 29 نومبر کو کھیلے جائیں گے ۔
