دورۂ جنوبی افریقہ :وائٹ بال ٹیم میں فخر زمان کی واپسی کا امکان
لاہور(سپورٹس ڈیسک )دورۂ جنوبی افریقہ کیلئے پاکستان کرکٹ ٹیم کے سکواڈز پر مشاورت حتمی مرحلے میں داخل ہو گئی۔ذرائع کے مطابق زمبابوے کیخلاف ون ڈے سیریز کے اختتام یا پہلے ٹی ٹونٹی میچ کے بعد سکواڈز کا اعلان متوقع ہے ۔
چیمپئنز ٹرافی کو سامنے رکھتے ہوئے فخر زمان کو ٹیم کی ضرورت قرار دیا گیا ہے ، جبکہ ریڈ بال ٹیم کے لیے امام الحق کے نام پر بھی غور کیا جا رہا ہے ۔ذرائع کے مطابق جنوبی افریقہ کے خلاف ٹی ٹونٹی سیریز میں بھی نوجوان کھلاڑیوں کو موقع دینے پر اتفاق کیا گیا ہے ۔سینئر بیٹرز اور بولرز کو جنوبی افریقہ کے خلاف ٹی ٹونٹی سیریز میں آرام دیا جا سکتا ہے ۔ ون ڈے سیریز کیلئے مضبوط سکواڈ ہو گا، بابر اعظم، نسیم شاہ اور شاہین آفریدی کی واپسی ہو گی جبکہ وائٹ بال ٹیم میں فخر زمان کی واپسی کا قوی امکان ہے ۔ذرائع کے مطابق ٹیسٹ کھلاڑیوں کا کیمپ جنوبی افریقہ میں لگانے کی منصوبہ بندی کی جا رہی ہے ۔
