دوسرا ٹی 20 : زمبابوے کو ہرا کر پاکستان کی سیریز میں فیصلہ کن فتح
بلاوائیو(سپورٹس ڈیسک )دوسرے ٹی ٹونٹی میں پاکستان نے زمبابوے کو 10 وکٹوں سے ہرا کر تین میچوں کی سیریزمیں فیصلہ کن برتری حاصل کرلی۔۔
زمبابوے کا 58 رنز کا ہدف اوپنرز نے چھٹے اوور میں ہی پورا کرلیا۔ بلاوائیو میں کھیلے جانے والے اس میچ میں زمبابوے نے پاکستان کے خلاف ٹاس جیت کر پہلے بیٹنگ کا فیصلہ کیا ہے ۔ ہوم ٹیم پہلی اننگز میں 57 رنز پر آل آؤٹ ہوگئی۔زمبابوے نے بغیر کوئی وکٹ گنوائے 4 اوورز میں 37 رنز تو بنالیے لیکن اسکے بعد پاکستانی بولرز نے شاندار کم بیک کرتے ہوئے اگلے 20 رنز میں زمبابوے کی پوری ٹیم کو آل آؤٹ کردیا۔ سپنر سفیان مقیم نے کیریئر کی بہترین بولنگ کا مظاہرہ کرتے ہوئے صرف 3 رنز دے کر 5 وکٹیں حاصل کیں اورپلیئرآف دی میچ قرارپائے ،انکے علاوہ عباس آفریدی نے دو جبکہ حارث رؤف، سلمان علی آغا اور ابرار احمد نے ایک ایک کھلاڑی کو آؤٹ کیا۔زمبابوے کے اوپنرز برائن بینیٹ نے 21 اور ٹادیوناشے مرومانی نے 16 رنز بنائے جبکہ انکے علاوہ کوئی کھلاڑی ڈبل فیگر میں بھی داخل نہ ہوسکا اور تین کھلاڑی صفر پر آؤٹ ہوئے ۔پاکستانی اوپننگ بلے باوزوں نے 58 رنز کا ہدف بغیر کوئی وکٹ گنوائے چھٹے اوور میں ہی پورا کرلیا۔گرین شرٹس نے پہلے ٹی ٹوئنٹی میچ میں ہوم ٹیم کو آؤٹ کلاس کرتے ہوئے 57 رنز سے کامیابی حاصل کی تھی۔
