سفیان مقیم کا ٹی20میں بہترین بولنگ کا ریکارڈ،عمر گل کا ریکارڈ توڑا
بلاوائیو(سپورٹس ڈیسک )سپنر سفیان مقیم نے زمبابوے کے خلاف دوسرے ٹی ٹونٹی میچ میں پاکستان کی طرف سے بہتر بولنگ کا ریکارڈ بنادیا۔
سفیان نے بلاوائیو میں کھیلے گئے میچ میں زمبابوے کے خلاف 3 رنز دے کر 5 وکٹیں لیں جس کے باعث ہوم ٹیم 57رنز پر آل آؤٹ ہوگئی۔ یہ پاکستان کی جانب سے ٹی ٹونٹی انٹرنیشنل میں بہترین بولنگ فیگر ہے ، جس کے ساتھ ہی سفیان نے فاسٹ بولر عمر گل کا ریکارڈ توڑا۔گل نے 2009 کے ٹی ٹونٹی ورلڈکپ میں اوول کے میدان میں نیوزی لینڈ کے خلاف 6 رنز دے کر پانچ وکٹیں حاصل کیں جبکہ 2013 میں سنچورین میں جنوبی افریقہ کے خلاف ایک میچ میں اپنے ریکارڈ کو ری پلے کردیا۔ تاہم رنز کے اعتبار سے سفیان مقیم عمر گل پر بازی لے گئے اور 5 وکٹیں صرف 3 رنز دے کر حاصل کر بیٹھے ۔ یوں وہ ریکارڈ بک میں سرفہرست آگئے ۔
روزنامہ دنیا ایپ انسٹال کریں
