مداح نے رونالڈو کو چیلنج ہرا کر 1ملین ڈالر کا انعام جیت لیا
لاہور(سپورٹس ڈیسک )پرتگال کے اسٹار فٹبالر کرسٹیانو رونالڈو کو ایک مداح نے ہرا کر 1 ملین ڈالر کا انعام جیت لیا۔مسٹر بیسٹ کے یوٹیوب چینل پر النصر کے سٹرائیکر کرسٹیانو رونالڈو نے ایک مداح کے ساتھ 1 ملین ڈالر انعام کے لیے ایک چیلنج قبول کیا تھا۔
اس کے تحتپینلٹی ایریا سے گول پوسٹ پر 3 اہداف کو لٹکایا گیا تھا جس کا صحیح نشانہ لگانا تھا تاہم اس مقابلے میں حیران کُن طور پہلی بار میں دونوں کوئی سکور نہیں کرسکے ،تاہم دوسری اور چوتھی باری میں خلیل نامی مداح نے ٹارگٹ کو باآسانی ہٹ کیا لیکن رونالڈو اپنی تینوں باریوں میں ایسا کرنے سے قاصر رہے اور چیلنج ہار گئے ۔چیلنج سے قبل رونالڈو کا مقابلہ کرنے آئے مداح نے اپنے جیت کے چانسز کو سٹار فٹبالر کے سامنے 50، 50 قرار دیا تھا۔رونالڈو ایک بھی ہدف کو صحیح نشانہ نہ لگاسکے جبکہ مداح نے تینوں اہداف کو درست انداز میں نشان زد کیا۔اس چیلنج ویڈیو کو ابتک ساڑھے 8 کروڑ سے زائد ویوز مل چکے ہیں۔
