ایڈیلیڈٹیسٹ :بھارت کو آسٹریلیاکے ہاتھوں10وکٹوں سے شکست
ایڈیلیڈ(سپورٹس ڈیسک )آسٹریلیا نے دوسرے ٹیسٹ میں بھارت کو 10 وکٹوں سے شکست د یکر میچ تیسرے روز ہی ختم کردیا۔۔۔
ایڈیلیڈ میں کھیلے گئے میچ میں بھارت کی جانب سے د یئے گئے 19 رنز کے ہدف کو آسٹریلیا نے با آسانی 10 وکٹوں پر حاصل کر لیا۔آسٹریلیا کی جانب سے نیتھن میک سوئینی 10 اور عثمان خواجہ نے 9رنز بنائے ۔ دوسرے ٹیسٹ میچ میں بھارت نے ٹاس جیت کر پہلے بیٹنگ کا فیصلہ کیا تھا، مہمان ٹیم پہلی اننگز میں 180 رنز بنا کر آؤٹ ہو گئی تھی۔بھارت کی طرف سے نتین کمار ریڈی 42 رنز کے ساتھ نمایاں رہے ۔آسٹریلیا کے کپتان پیٹ کمنز 57 رنز دے کر 5 وکٹیں حاصل کیں جبکہ سکاٹ بولینڈ 3 اور مچل سٹارک نے 2 کھلاڑیوں کو آؤٹ کیا۔ آسٹریلیا نے پہلی اننگز میں 337 رنز بنائے تھے اور بھارت پر 157 کی برتری حاصل کر لی تھی۔دوسری اننگز میں بھی بھارتی بیٹرز بڑا سکور نہیں بنا سکے اور پوری ٹیم 175 بنا کر آؤٹ ہو گئی تھی۔واضح رہے کہ 5 میچوں کی سیریز اب ایک ایک سے برابر ہو گئی ہے ، پہلے ٹیسٹ میچ میں بھارت نے آسٹریلیا کو شکست دی تھی۔
