سکواش کے عظیم کھلاڑی جہانگیر خان کا یوم پیدائش کل منایا جائے گا
اسلام آباد (سپورٹس ڈیسک ) سکواش کے عظیم کھلاڑی جہانگیر خان کا یوم پیدائش 10 دسمبر کو منایا جائے گا۔
10 دسمبر 1963 کو کراچی میں پیدا ہونے والے شہرہ آفاق کھلاڑی نے 6 مرتبہ سکواش کی عالمی چیمپئن شپ جیتی اور 10 مرتبہ برٹش اوپن ٹائٹل اپنے نام کیا۔ جہانگیر خان نے مسلسل 555 انٹرنیشنل میچز میں ناقابلِ شکست رہنے کا ایسا ریکارڈ قائم کیا جس کو توڑنے سے متعلق کوئی سوچ بھی نہیں سکتا۔ سکوائش کے کھیل میں بہترین خدمات کے اعتراف میں جہانگیر خان کو حکومت پاکستان کی جانب سے صدارتی تمغہ حسن کارکردگی سے نوازا گیا اور جہانگیر خان آج بھی عالمی سکواش فیڈریشن کے اعزازی صدر ہیں۔
روزنامہ دنیا ایپ انسٹال کریں
