دیواجیت سائیکیا بھارتی کرکٹ بورڈکے سیکرٹری مقرر
ممبئی (سپورٹس ڈیسک )دیواجیت سائیکیا کو بھارتی کرکٹ بورڈ (بی سی سی آئی) کا نیا سیکرٹری مقرر کردیا گیا۔
میڈیا رپورٹس کے مطابق دیواجیت سائیکیا کو سابق سیکریٹری جے شاہ کے عہدہ خالی کرنے پر ترقی دی گئی ہے۔وہ اس سے پہلے جوائنٹ سیکرٹری کی خدمات سرانجام دے رہے تھے ۔بی سی سی آئی کے صدر راجر بنی نے اپنے بیان میں کہا کہ سابق سیکرٹری جے شاہ کے یکم دسمبر کو آئی سی سی چیئرمین کا عہدہ سنبھال لیا تھا جس کے بعد عہدہ خالی ہوا تھا۔راجر بنی نے نومنتخب سیکریڑی کو خوش آمدید کہا اور ان کیلئے نیک خواہشات کا اظہار کیا۔واضح رہے کہ دیواجیت سائیکیا پیشے کے لحاظ سے وکیل اور سابق فرسٹ کلاس کرکٹر اور ایڈمنسٹریٹر ہیں، انہوں نے 4 فرسٹ کلاس میچوں میں آسام کی نمائندگی کی جس میں انہوں نے 54 رنز بنائے ۔
روزنامہ دنیا ایپ انسٹال کریں
