پاکستان کی ٹیکن 8ایونٹ میں جنوبی کوریا کیخلاف کامیابی
سیول (سپورٹس ڈیسک )پاکستانی ٹیم نے جنوبی کوریا میں منعقد ہونے والے ٹیکن 8 ایونٹ میں شاندار کامیابی حاصل کر کے دنیا کی سب سے مضبوط ٹیکن ٹیم ہونے کا اعزاز اپنے نام کر لیا۔
پاکستان کی ایک ٹیم نے اس ہفتے سیول میں منعقد ہونے والے ٹیکن 8 ایونٹ میں تاریخی کامیابی حاصل کر کے ٹیکن 8 ای سپورٹس میں جنوبی کوریا کا دیرینہ تسلط ختم کر دیا۔ ٹورنامنٹ کے آغاز میں پاکستانی ٹیم کو سخت مقابلے کا سامنا کرنا پڑا اور پہلے دن ہونے والے 3 میچز میں شکست ہوئی لیکن ای سپورٹس کے شوقین قومی کھلاڑیوں نے ہمت نہیں ہاری اور شاندار کم بیک کرتے ہوئے دوسرے اور تیسرے دن زبردست کارکردگی دکھا کر چیمپئن شپ اپنے نام کر لی۔فائنل راؤنڈ میں پاکستان کا سامنا میزبان جنوبی کوریا کی مایہ ناز ٹیم سے ہوا ،جس میں پاکستانی ٹیم نے غیر معمولی حکمتِ عملی اور مہارت سے نئی تاریخ رقم کر دی اور اس گیم پر قائم جنوبی کوریا کے دیرینہ تسلط کو ختم کر دیا۔
