پشاور زلمی کی پہلی کامیابی ، ملتان سلطانز کی مسلسل تیسری ناکامی
راولپنڈی (سپورٹس رپورٹر ) پی ایس ایل 10 میں پشاور زلمی نے ملتان سلطانز کو 120 رنز سے ہراکرپہلی کامیابی حاصل کرلی۔۔
جبکہ سلطانز کومسلسل تیسرے میچ میں شکست کاسامناکرناپڑا،راولپنڈی سٹیڈیم میں کھیلے گئے ایونٹ کے نویں میچ میں ملتان سلطانز کی ٹیم 228 رنز کے تعاقب میں 16 ویں اوور میں 107 رنز پر ڈھیر ہوگئی۔سلطانز کی جانب سے عثمان خان 44 رنز بنا کر نمایاں رہے ۔ شائی ہوپ 20، کپتان محمد رضوان 15، ڈیوڈ ولی 13، کامران غلام 6، مائیکل بریسویل 3، افتخار احمد 2، اسامہ میر 1 اور ایشٹن ٹرنر 0 اور عاکف جاوید 0 رن بنا کر آؤٹ ہوئے ۔عبید شاہ 3 رنز بنا کر ناٹ آؤٹ رہے ۔زلمی کی جانب سے علی رضا نے 4، عارف یعقوب نے 3، مچل اوون نے 2 اور صائم ایوب نے 1 کھلاڑی کو آؤٹ کیا۔ قبل ازیں ٹاس جیت کر بیٹنگ کرتے ہوئے زلمی کے بیٹرز نے مقررہ 20 اوورز میں 7 وکٹوں پر 227 رنز سکور کیے ۔ٹام کوہلر-کیڈمورنے 52 اور محمد حارث نے 45 رنز کی شاندار اننگز کھیلی۔ حسین طلعت 37 رنز بنا کر آؤٹ ہوئے ۔ عبدالصمد 40 اور مچل اوون 34 رنز کی دھواں دار باری نے زلمی کا مجموعی سکور 227 رنز تک پہنچانے میں کلیدی کردار ادا کیا۔ سلطانز کی جانب سے ڈیوڈ ولی، مائیکل بریسویل اور عبید شاہ نے 2، 2 جبکہ افتخار احمد نے 1کھلاڑی کو آؤٹ کیا، عبدالصمدپلیئرآف دی میچ قرارپائے ۔
