یونائیٹڈ اچھی اس لیے شاداب کی کپتانی اچھی:احمد شہزاد
کراچی (سپورٹس ڈیسک)پاکستانی کرکٹر احمد شہزاد کا کہنا ہے کہ اسلام آباد یونائیٹڈ کی کپتانی اچھی ہے اس لیے شاداب کی کپتانی اچھی لگ رہی ہے ۔
انہوں نے کہا کہ محمد رضوان کے پاس ٹیم اچھی تھی اس لیے اس کی کپتانی اچھی لگ رہی تھی جیسے ہی ٹیم بدلی ہے ، عباس آفریدی ودیگر کھلاڑی چلے گئے تو اس کے لیے مینج کرنا مشکل ہوگیا ہے ۔انہوں نے کہا کہ اسی طرح شاداب ہے اس کے پاس ٹیم اچھی ہے کمبی نیشن اچھا کھلا رہے ہیں جب پریشر پڑے گا تب ان کی کپتانی کا اندازہ ہوجائے گا۔احمد شہزاد نے کہا کہ ہمارے ملک میں ایسا ہوتا ہے کہ تین چار میچ جیت جاؤ پھر دیکھا نہیں جاتا کہ لیڈر شپ کو الٹی ہے یا نہیں بس اس کو اگلا کپتان بنادیا جاتا ہے ۔انہوں نے کہا کہ شاداب نے بڑے عرصے بعد اچھی بولنگ کی ہے اور اگر وہ ایسا کرتے رہے ٹیم کو جتوایا تو ان کے لیے ٹیم کے دروازے ضرور کھلے ہیں۔ واضح رہے کہ پی ایس ایل 10 میں اسلام آباد یونائیٹڈ نے مسلسل چار میچوں میں کامیابی حاصل کی ہے اور پوائنٹس ٹیبل پر سرفہرست ہے ۔
