×

کھیلوں کی دنیا

ایشین گیمز، بھارتی کرکٹ ٹیم جاپان کیخلاف کھیلنے پر آمادہ

بند کریں

یہ پہلا موقع ہوگا جب آئی سی سی کے ایسوسی ایٹ رکن کا مقابلہ مکمل رکن سے ہوگا

لاہور(سپورٹس ڈیسک)جاپان اپنی تاریخ میں پہلی بار ایشین گیمز میں کھیلوں کے ایک ایسے پندرہ روزہ دور کی میزبانی کرنے جا رہا ہے جس کی کوئی مثال نہیں ملتی۔دنیا کی کرکٹ کے کچھ بڑے نام، جن میں طاقتور ٹیم بھارت بھی شامل ہے ، اگلے ہفتے جاپان پہنچیں گے ۔ اس طرح وہ ملک، جو عموماً علاقائی سطح کے چند کوالیفائنگ مقابلوں کی میزبانی کے لیے جانا جاتا ہے ، غیر متوقع طور پر اعلیٰ سطح کی کرکٹ کا مرکز بن جائے گا۔ جاپان کرکٹ ایسوسی ایشن نے ایک بڑی کامیابی اس وقت حاصل کی جب اس نے موجودہ مردوں کی ٹی20 عالمی چیمپئن بھارت کو 22 ستمبر کو سانُو میں میزبان جاپان کے خلاف کھیلنے پر آمادہ کرلیا۔

یہ پہلا موقع ہوگا جب آئی سی سی (ICC) کے ایسوسی ایٹ رکن جاپان کا مقابلہ کسی مکمل رکن ملک سے ہوگا۔ سابق عالمی چیمپئن پاکستان اور سری لنکا کے علاوہ ٹیسٹ کھیلنے والے ممالک بنگلہ دیش اور افغانستان بھی ستمبر میں نِشّین کے ایک نئے مقصد کے لیے استعمال کیے جانے والے بیس بال سٹیڈیم میں ایکشن میں ہوں گے، جہاں ایشین گیمز کے کرکٹ مقابلے منعقد ہوں گے۔JCA کے چیف ایگزیکٹو ناؤکی ایلکس میاجی اس موقع پر بہت پُرجوش ہیں، تاہم وہ یہ بھی سمجھتے ہیں کہ صرف دو ہفتے کی کرکٹ جاپان میں اس کھیل کی مقبولیت کو یکسر تبدیل نہیں کر سکتی اور ہم یہ ہرگز نہیں سمجھیں گے کہ اچانک کرکٹ جاپان میں بیس بال یا فٹ بال جتنی مقبول ہو جائے گی لیکن بھارت کے خلاف یہ میچ ایک نئے دور کا آغاز ہو گا۔

روزنامہ دنیا ایپ انسٹال کریں