140 انچ چوڑا ڈسپلے دکھانے والی عینک تیار کر لی گئی
ایک دلچسپ ایجاد کا احوال سنئے جو ایک مجازی سکرین والی عینک ہے جسے پہن کر آپ کی آنکھوں کے سامنے ایک مجازی سکرین ظاہر ہوجاتی ہے
کیلیفورنیا(نیٹ نیوز)اور وہ بھی 140 انچ طویل ہے ۔اس کا نام ٹی سی ایل نیکسٹ ویئر جی سپیکس ہے جسے کسی بھی سمارٹ فون، ٹیبلٹ اور لیپ ٹاپ سے جوڑا جاسکتا ہے ۔ اس کے بعد عینک سمارٹ فون کا بیرونی سکرین بن جاتی ہے جو کئی فٹ طویل ہوسکتا ہے ۔ یعنی عینک پہن کر آپ اپنی آنکھوں کے سامنے سینما سکرین کا لطف اٹھاسکتے ہیں۔دلچسپ بات یہ ہے کہ اس عینک میں ویڈیو پروسیسنگ کا کوئی نظام نہیں بلکہ عینک بہت ہلکی پھلکی ہے ۔ گویا یہ عینک آپ کو ایک بڑا اشتہاری بورڈ دکھاتی ہے ۔اس کا ایسپیکٹ ریشیو 16:9 ہے اور ریفریش ریٹ 60 ہرٹز ہے جس سے ویڈیوز حقیقی انداز میں دکھائی دیتے ہیں۔ بس آپ کو یوایس بی سے عینک کو جوڑنا ہوگا اور عینک روشن ہوجائے گی۔
روزنامہ دنیا ایپ انسٹال کریں
