لائبریری سے لی گئی کتاب 63 سال بعد واپس کردی گئی
انگلینڈ کی ایک لائبریری سے بطور امانت پڑھنے کے لیے لی گئی کتاب کو 63 سال بعد لائبریری کو واپس کردیا گیا
لندن(نیٹ نیوز)غیر ملکی میڈیا کی رپورٹ کے مطابق جب یہ کتاب واپس کی گئی تو اس پر ایک تحریر لکھی تھی کہ ‘دیری، کبھی نہ دینے سے بہتر ہے ۔اس کتاب کی ایک تصویر نیو کیسل لائبریریز کی جانب سے فیس بک پر شیئر کی گئی۔اس حوالے سے نیو کیسل لائبریریز کا بتانا تھا کہ یہ ڈیرل ہف کی کتاب تھی جس کا نام "ہاؤ ٹو لائی ود سٹیٹسٹکس" (اعداد و شمار کے ذریعے جھوٹ کیسے بولا جائے ) تھا۔مذکورہ کتاب کو بذریعہ ڈاک سینٹرل لائبریری پہنچایا گیا اور پتہ کرنے پر معلوم ہوا کہ یہ کتاب یہاں سے 63 سال قبل بطور امانت پڑھنے کے لیے لی گئی تھی جسے اب واپس کیا گیا تھا۔
روزنامہ دنیا ایپ انسٹال کریں
