امریکہ، گلابی ڈولفن دیکھ کر لوگ حیران، ویڈیو وائرل
آپ نے سیاہ، گرے اور آسمانی رنگ کی ڈولفن تو اکثر دیکھی ہوں گی
نیو یارک(نیٹ نیوز)لیکن کیا آپ نے کبھی گلابی رنگ کی ڈولفن دیکھی ہے ؟ یقیناً آپ کا جواب نہیں ہوگا۔ لیکن سوشل میڈیا پر ایک ویڈیو تیزی سے وائرل ہورہی ہے جس میں گلابی رنگ کی ڈولفن واضح دکھائی دے رہی ہے ، کچھ صارفین اس کے وجود سے آگاہ تھے جنہوں نے خوبصورت ڈولفن کو دیکھ کر سراہا۔بہت سے لوگوں نے ڈولفن کی اس منفرد رنگت کی وجہ دنیا میں ہونے والی موسمیاتی تبدیلی کو قرار دیا۔ صارفین کی جانب سے اس پر تبصرے بھی کئے جارہے ہیں۔ امریکی چینل نیشنل جیوگرافک چینل کی ویب سائٹ کے مطابق یہ گلابی ڈولفن جنوبی امریکا کے ایمازون دریا میں پائی جاتی ہیں۔ان کے رنگ سے متعلق کہا جاتا ہے کہ کھیل کود یا ایک دوسرے پر سبقت لے جانے کے دوران لڑائی کے باعث جسم کے ٹشو متاثر ہونے سے ان کا رنگ تبدیل ہوجاتا ہے ۔
روزنامہ دنیا ایپ انسٹال کریں
