خاتون 20 سال تک دستی بم بطور ہتھوڑا استعمال کرتی رہی
ہوبی(نیٹ نیوز)ایک 90 سالہ چینی خاتون دو دہائیوں تک گری دار میوے توڑنے اور کیلیں ٹھونکنے کیلئے انجانے میں دستی بم کو ہتھوڑے کے طور پر استعمال کرتی رہیں۔
کِن نامی خاتون نے بتایا کہ وہ صوبہ ہوبی کے ژیانگ یانگ میں اپنے کھیت پر کام کر رہی تھی جب انہیں لکڑی کے ہینڈل والی یہ عجیب و غریب دھات ملی۔ انہیں یقین ہو گیا تھا کہ یہ ایک ہتھوڑے کی طرح ہے اس لیے وہ اسے گھر لے گئیں اور اسے گری دار میوے سے لے کر سخت چیزوں کو جوڑنے یا توڑنے کیلئے 20 سال تک استعمال کرتی رہیں۔دستی بم کا پتہ پچھلے ہفتے ہی چلا جب خاتون کے پرانے گھر کو گرانے آنے مردوں کی ایک ٹیم نے اس بم کو دیکھا جو کافی سالوں سے استعمال شدہ لگ رہا تھا۔پولیس نے اطلاع دی ہے کہ گرینیڈ کا لکڑی کا ہینڈل برسوں کے استعمال سے ہموار اور چمکدار ہو گیا ہے۔
روزنامہ دنیا ایپ انسٹال کریں
