بلند ترین سطح سے اسکینگ کرکے عالمی ریکارڈ قائم کردیا
لندن(نیٹ نیوز)ایک برطانوی شہری نے 18,753 فٹ کی چٹان سے اسکینگ (skiing) کرکے گنیز ورلڈ ریکارڈ توڑ دیا۔
34 سالہ جوشوا بریگ مین نے ہمالیہ میں میرا چوٹی پر کرتب مکمل کرتے ہوئے دنیا کی بلند ترین اسکی بیس جمپ کا اعزاز حاصل کرلیا۔بریگ مین نے بتایا کہ انہوں نے اور ان کی ٹیم نے چھلانگ کی جگہ کا جائزہ لے کر اور ہموار اسکی کو یقینی بنانے کے لیے ملبہ صاف کرکے ریکارڈ کی تیاری میں دو ہفتے گزارے ،انہوں نے گنیز ورلڈ ریکارڈز کو بتایا کہ خواب یہ تھا کہ ہم پہاڑ سے اسکی اچھے موڑ اور فصاحت سے کریں لیکن حقیقت میں ہمارے پاس تقریباً 6,000 میٹر کی بلندی پر پتھروں سے بھرا ہوا رن وے تھا۔انہوں نے کہا کہ میں نے تھکن اور آکسیجن کی کمی کے باعث چھلانگ لگانے سے پہلے کچھ گہری سانس لیں اور اسکی کیلئے چھلانگ لگادی۔
روزنامہ دنیا ایپ انسٹال کریں
