ایپل نے اپنا نیا میک منی متعارف کرا دیا
واشنگٹن(نیٹ نیوز)ٹیکنالوجی کمپنی ایپل نے اپنا نیا میک منی متعارف کرادیا۔ اپنے گزشتہ ماڈل کے سائز سے نصف یہ مشین کمپنی کا اب تک کا سب سے چھوٹا کمپیوٹر ہے۔
ایپل کے مطابق یہ نیا میک صرف پانچ بائے پانچ انچ چوڑا ہے اور اس میں کمپنی کی جانب سے حال ہی میں جاری کی گئی ایم 4 چپ نصب ہے ۔ایپل کے ہارڈ ویئر باس جان ٹیرنس کا کہنا تھا کہ یہ کمپیوٹر ناقابلِ یقین حد تک چھوٹے ڈیزائن میں بہترین کارکردگی دِکھاتا ہے جو کہ ایپل سِلیکون کی پاور ایفیشنسی اور نئے تھرمل آرکیٹیکچر کی بدولت ہے ۔کمپنی کے مطابق نیا میک منی ایپل کا پہلا مکمل طور پر کاربن نیوٹرل کمپیوٹر ہے اور اس کیلئے اسکو 80 فی صد تک کاربن اخراج میں کمی لانی ضروری تھی۔ اس کمی میں نہ صرف اس کے بنانے کا عمل شامل ہے بلکہ اس کی شپنگ اور صارف کا استعمال بھی شامل ہے ۔ایپل کی جانب سے سب سے پہلے 2005 میں میک منی متعارف کرایا گیا تھا۔
