جرمنی:چرسی پیزا’ فروخت کرنیوالے ریسٹورنٹ پر پولیس چھاپہ
میونخ (نیٹ نیوز)ایک جرمن پیزا ریسٹورنٹ پر چرس والا پیزا فروخت کرنے پر حکام نے چھاپا مارا ہے ۔
جرمن پولیس نے بتایا کہ مغربی جرمنی کے شہر ڈسلڈورف کے ریستوران نے اس وقت چرس والا پیزا فراہم کرتا تھا جب صارفین مینو میں ‘آئٹم نمبر 40’ کا آرڈر دیتے تھے ۔آئٹم نمبر 40 نامی پیزا ریسٹورنٹ میں سب سے زیادہ فروخت ہونے والا پیزا تھا تاہم یہ نہیں معلوم اس کا کتنا معاوضہ وصول کیا جاتا تھا۔ جب ڈرگ سکواڈ کے افسروں نے ریسٹورنٹ کا مشاہدہ کرنا شروع کیا تو انہوں نے ریسٹورنٹ منیجر کے اپارٹمنٹ پر چھاپہ مارا۔ ڈسلڈورف پولیس کے مطابق اس کے بعد منیجر نے چرس کا ایک تھیلا کھڑکی سے باہر پھینکنا شروع کیا جو نیچے کھڑے پولیس افسروں کے ہاتھوں پر ہی گرا۔
روزنامہ دنیا ایپ انسٹال کریں
