جاپانی سائنسدانوں نے لچکدار سولر سیل تیار کرلیا
ٹوکیو(نیٹ نیوز)جاپان میں محققین نے ایک لچکدار سولر سیل بنایا ہے جو کہ شگاف کو روکتے ہوئے اعلی کارکردگی کی سطح کو یقینی بنا سکتا ہے۔
سولر سیل کو PEDOT:PSS کی بنیاد پر ایک ہول ٹرانپورٹ لیئر کے ساتھ بنایا گیا ہے جس میں ایک نئی قسم کے additive کو شامل کیا گیا ہے ۔جاپان میں ریکن سینٹر فار ایمرجنٹ میٹر سائنس کے محققین کے ایک گروپ نے اندرونی طور پر لچکدار سولر سیل بنایا ہے جو زیادہ تناؤ اور کھینچے جانے کے دوران اعلی کارکردگی کی سطح کو برقرار رکھ سکتا ہے ۔ سولر سیل الیکٹران ٹرانسپورٹ لیئر (ETL) کے بغیر تیار کیا گیا ہے اور ایک ہول ٹرانسپورٹ لیئر کے ساتھ ION E ایڈیٹیو کو شامل کیا گیا ہے۔ یہ ایڈیٹیو سولر سیل کو اندرونی سطح میں تناؤ کو ڈی لوکلائز کرکے اور پوری سطح پر مساوی تقسیم کرکے اعلی لچکداری حاصل کرنے میں مدد کرتا ہے۔
روزنامہ دنیا ایپ انسٹال کریں
